醫好人．教壞人

今天，醫生好像很閒的樣子。

也許因為不用診斷都知道，病人仍然缺乏充足睡眠。因此醫生就和病人搭訕起來，就由睡眠不足背後的原因開始。

「讀書掛。」病人道。
「你未讀完既咩？」醫把病歷表翻來翻去，像是尋找著病人的歲數。
「一邊做野一邊讀遙距呀。」
「遙距洗乜自己讀丫，搵人幫你讀啦！」
「下？自己唔讀，讀黎做咩呀？」病人瞪大雙眼。
「你而家要休息先得嫁！遙距不嬲都唔洗讀嫁啦．．．」
「咁要做功課加嘛！」
「功課？上網搵人做啦，你唔知有咁既WEBSITE既咩？連PHD論文都可以叫人做！」
「下？唔係掛？」
「你唔識董先生既名句咩？要與時並進呀，呢ｄ野都唔識？」
「你點解咁清楚呢ｄ野嫁？」病人皺起眉頭。
「報紙有講加嘛！」醫生似乎有點靦腆。
「你用過？！」病人追問。
「睇下之嘛，你都可以去睇格！」
「我唔會做ｄ咁既野嫁！」病人心想：我是一個基督徒。
「唉，而家香港既社會，講求手段嫁啦，冇人會同你勤力嫁啦！你快ｄ去呢個WEBSITE度搵人幫你做左份功課去，呢段時間努力ｄ休息罷啦！」

原來，當醫生返回一個醫生的角度去幫助病人的時候，竟然會開始不擇手段起來。不過，他的目的也不過想病人知道，健康才是首位，其他的都是其次。

所以，他連診金都不要了。