昨天，哥哥來電叫我今早要務必早到。
今早九時多，電話來電顯示是哥哥。
「喂．．．」我在床上沒氣力地應到。
「姑姐快D黎！」是大小姐充滿活力的聲音。
「早晨呀！」我立刻抖擻精神道。
「姑姐起身未？」好明顯是哥哥教的。
「起左啦．．．」我還未說畢，哥哥的聲音已插進來了，「你快D黎啦，幾早可以黎到呀？」
可以想像到他已把大小姐拉到一旁去，接著就自顧自說著要點來。
一個好用心理和攻擊人弱點的哥哥。
哥哥今早還要教琴，嫂嫂又要加班到中午，所以，哥哥就想我早點到他家做babysitter。原本想發怨言的我，一想到昨晚剛帶了那個以家庭為主題的團契program，就立即收歛起來，一骨碌下了床、梳洗過就出去了。
我和一個學生坐著同一部升降機到步，屋內又有另一個學生正在學琴。
「姑姐！」大小姐禮貌地道，然後就撲到一旁的嬰兒車去嚷著：「心心！」
心心是她喊二小姐的暱稱。
「你快D幫我搞掂佢地啦！D major staccato...」哥哥打過招呼後就逕自轉身往琴那邊去。
我一手拖著大小姐，一手推著嬰兒車，悄悄跟大小姐道：「我地入房玩啦！」
給大小姐拿了玩具出來，玩了一會兒，二小姐就叫了。我轉身跟二小姐扮著鬼臉好一會兒，轉回大小姐那邊，就看到她很寂寞地自己玩著。心裡一酸，立刻逗她玩，二小姐就突然哭起來了。
「心心！做乜喊呀？」這時爸爸從身後出玩，太好了，救星來了！
「你快ｄ同心心玩啦！」我叫道。
這時，大小姐流鼻水了，替她清理過後，我到洗手間去洗手，跟著走進廚房。哥哥正在廚房，看見我就連珠似炮地說起來。
「你俾野佢飲啦，可以俾埋餅乾佢食，因為一陣好晏先食飯，呀，囉埋提子乾俾佢食啦！」接著一件一件東西放進我手裡。
「其實我．．．口渴呀．．．」我輕輕地道。
「哦，你用隻黃色杯啦！」
哥哥指著他身旁的杯子道。我走過去，看到他在沖盒仔茶。
「你病呀？」
「少少喉嚨痛，無事，無事嫁！」
這時，外面的琴聲停了下來。
「你再彈一次G major．．．」哥哥放下杯子，走了出去。
我望著那杯盒仔茶，心裡又酸一酸。
奶粉錢，真的難掙。
一想到哥哥每次叫我幫他做事，其實都是在求救時，我就再不想發怨言了。
